തങ്ങളുടെ ഔറത്ത് ( നഗ്നത) മറക്കല്‍ ഓരോ സ്ത്രീയുടെയും പുരുഷന്‍റെയും ഒഴിച്ചു കൂടാനാകാത്ത കര്‍ത്തവ്യമാണ്. നിസ്കാരത്തിന്‍റെ ശര്‍ത്തുമാണത്. നിസ്കരിക്കുമ്പോള്‍ പുരുഷന്മാരും അടിമ സ്ത്രീകളും തങ്ങളുടെ കാല്‍മുട്ടും പൊക്കിളും അവക്കിടയിലുള്ള സ്ഥലങ്ങളും മറക്കേണ്ടതാണ്. സ്വതന്ത്ര സ്ത്രീയാകട്ടെ തങ്ങളുടെ മുഖവും മുന്‍കൈയ്യും ഒഴിച്ചുള്ള ഭാഗങ്ങളെല്ലാം മറക്കേണ്ടതാണ്. തൊലിയുടെ നിറം കാണിക്കാത്ത കട്ടിയുള്ള വസ്ത്രം കൊണ്ടാണ് ഔറത്ത് മറക്കെണ്ടത്.
സ്വതന്ത്ര സ്ത്രീകളുടെ ഔറത്ത് നാല് തരത്തിലാണെന്നു ഫിഖ്ഹ് ഗ്രന്ഥങ്ങള്‍ വിവരിച്ചിരിക്കുന്നു.
1. നിസ്കാരത്തില്‍ മറക്കെണ്ടത് മുഖവും മുന്‍കൈയ്യും ഒഴിച്ചുള്ള ഭാഗങ്ങള്‍.
2. പിതാവ്, സഹോദരന്മാര്‍ തുടങ്ങി വിവാഹം നിഷിദ്ധ മായവരില്‍ നിന്നും മറക്കേണ്ട ഭാഗങ്ങള്‍.
3. അന്യപുരുഷന്മാരില്‍ നിന്നും മറച്ചു വെക്കേണ്ടത്. ശരീരം മുഴുവനും സ്ത്രീകള്‍ അന്യപുരുഷന്മാരില്‍ നിന്നും മറച്ചു വെക്കേണ്ടതാണ്.
4. മുസ്ലിംകളല്ലാത്ത സ്ത്രീകളില്‍ നിന്നും മറച്ചു വെക്കേണ്ടത്. കണങ്കൈ, തലമുടി എന്നിവ അന്യമതക്കാരായ സ്ത്രീകളുടെ മുമ്പില്‍ കാണിക്കാവുന്നതാണ്.
No comments:
Post a Comment